Дзе логіка? 

Кіраўнік маладзёжнага клуба «Teens-фармат» Анастасія Ціхановіч расказала, што на распрацоўку гульні натхніла аднайменная праграма на расійскім тэлеканале «ТнТ». Запрашэнні на ўдзел у турніры атрымалі ўсе школы раёна. У выніку паўдзельнічала ў ім шэсць каманд: свае зборныя выставілі СШ № 1 імя ЧБВА, а таксама чацвёртая, пятая школы і гімназія. Завітала на турнір каманда з Параслянскай СШ. Яшчэ ў адной зборнай згулялі дзяўчаты з клуба «Teens-фармат».

Для школьнікаў падрыхтавалі сем раундаў. Падчас іх трэба было знайсці агульнае на карцінках, назваць тое, што аб’ядноўвае фотаздымкі, убраць лішняе і, наадварот, назваць тое, чаго не хапае. Таксама былі ў праграме турніру кінарэбусы, прыказкі і прымаўкі, зашыфраваныя на фота. Трэба сказаць, што пытанні былі прасякнуты ў тым ліку тэматыкай нашага раёна. Напрыклад, адно з пытанняў тура «Прыбяры лішняе» ўключала гербы Пружан розных гістарычных эпох.

У выніку нашы хлопцы з “Бліцкрыгу” сталі другімі. Віншуем!

(па матэрыялах “Раённых будняў”)